जेएनएन, पुणे: पुण्यातील गाजलेल्या जमीन गैरव्यवहार प्रकरणात मुख्य आरोपी शीतल तेजवानीला (Sheetal Tejwani) पुणे पोलिसांनी अटक केली आहे. अटकेनंतर पोलिसांनी दिलेल्या माहितीनुसार, तेजवानीला आज न्यायालयात हजर केले जाणार आहे.
वरिष्ठ पोलीस अधिकाऱ्यांनी सांगितले की, शीतल तेजवानीकडून सखोल चौकशी केली जाणार असून चौकशीतून मिळालेल्या माहितीनुसार पुढील गुन्हेगारी धागेदोरे जोडले जातील. प्रकरणात आणखी काही व्यक्तींची भूमिका संशयास्पद असल्याचे संकेतही तपास यंत्रणांकडून मिळत आहेत.
दिग्विजय पाटील चौकशीसाठी समन्स
या प्रकरणाशी संबंधित अमेडिया कंपनीचे (Amedia Company) भागीदार दिग्विजय पाटील (Digvijay Patil) यांचीही महत्त्वाची भूमिका संशयास्पद मानली जात आहे. त्यामुळे 5 डिसेंबर रोजी खारगे समितीसमोर त्यांची चौकशी होणार आहे. समितीने त्यांना आवश्यक कागदपत्रांसह उपस्थित राहण्याचे आदेश दिले आहेत.
खारगे समिती ही प्रकरणातील व्यवहार, जमीन खरेदी-विक्रीतील अनियमितता, दफ्तरी प्रक्रिया आणि आर्थिक देवाण-घेवाण याविषयी तपशीलवार माहिती घेणार आहे. पाटील यांच्याकडून मिळणारी माहिती प्रकरणातील संपूर्ण आर्थिक प्रवाह आणि इतर संबद्ध व्यक्तींच्या भूमिकांची माहिती समोर येणार आहे.
प्रकरणाची पार्श्वभूमी
पुण्यातील मौल्यवान जमिनी चुकीच्या कागदपत्रांद्वारे आणि कथित बोगस व्यवहारातून हस्तांतरित केल्याचा आरोप आहे. यामध्ये सरकारी जमिनींचाही समावेश असल्याची माहिती समोर आली आहे. या गैरव्यवहारातून कोटींचा फायदा झाल्याचा प्राथमिक अंदाज असून पोलिसांनी अनेक कागदपत्रे, करार आणि व्यवहारांची नोंदणी तपासायला सुरुवात केली आहे.
हेही वाचा: Mundhwa Case: मुंढवा जमीन व्यवहार प्रकरणात शितल तेजवानीला अटक
हेही वाचा: Teachers protest: महाराष्ट्रातील शिक्षकाचे आंदोलन;5 डिसेंबर रोजी राज्यव्यापी शाळा बंद