Nagpur Mayor: नागपूरच्या महापौर पदी कोण होणार विराजमान? महिला सर्वसाधारण गटातून यांची नावे चर्चेत

महानगरपालिका निवडणूक निकाल (एकूण जागा – 151):

• भाजप – 102
• काँग्रेस – 31
• एमआयएम – 04
• शिवसेना (शिंदे) – 02
• शिवसेना (ठाकरे) – 02
• राष्ट्रवादी (अजित पवार) – 01
• मनसे – 00
  

नागपूरच्या महापौर पदासाठी दावेदार महिला नगरसेवकांबद्दल
संख्याबळाच्या जोरावर महापौरपद भाजपकडे जाणे निश्चित मानले जात असून, भाजपच्या महिला नगरसेविकांमध्ये स्पर्धा तीव्र आहे. सध्या शिवानी दाणी यांचे नाव आघाडीवर असल्याची चर्चा राजकीय वर्तुळात आहे. मुख्यमंत्री देवेंद्र फडणवीस यांनी त्यांची मुख्यमंत्री कार्यालयात ‘इन्व्हेस्टर अॅडव्हायजर’ म्हणून नियुक्ती केल्याने त्यांचे राजकीय वजन वाढल्याचे मानले जात आहे.

हेही वाचा:BMC Mayor: कोण होणार मुंबईचा महापौर? BJP च्या 5 महिलांची नावे टॉपवर, वाचा कोण-कोण आहेत शर्यतीत

त्याचप्रमाणे, सलग दुसऱ्यांदा निवडून आलेल्या अश्विनी जिचकार यांचा महापालिकेतील अनुभव त्यांच्या बाजूने महत्त्वाचा घटक ठरत आहे. ज्येष्ठ नगरसेविका नीता ठाकरे यांचे नावही दीर्घकाळापासून महापौरपदासाठी चर्चेत असून, त्यांच्या अनुभवाकडेही लक्ष दिले जात आहे. दक्षिण नागपूरमधून सलग चार वेळा निवडून आलेल्या दिव्या धुरडे यांच्याकडे संघटनात्मक नेतृत्वाचा अनुभव असून, त्या देखील सक्षम दावेदार मानल्या जात आहेत.

महिला–सर्वसाधारण आरक्षणामुळे यंदाची महापौरपदाची लढत विशेष महत्त्वाची ठरणार असून, अंतिम उमेदवार कोण असेल याकडे आता संपूर्ण नागपूरचे लक्ष लागले आहे.

हेही वाचा: Pune Mayor: कोण होणार पुण्याची महापौर? पीएमसीच्या प्रमुखपदासाठी भाजपच्या ‘या’ महिला नगरसेवक आघाडीवर

हेही वाचा: PCMC Mayor: पिंपरी-चिंचवडचा महापौर कोण होणार? भाजपमधील 6 दिग्गज नगरसेवकांच्या नावांची जोरदार चर्चा