नवी दिल्ली: सोलापुरात झालेल्या भीषण अपघातात 8 जणांचा मृत्यू झाला आहे. देवदर्शनावरुन परताना हा अपघात झाला. या अपघातातील मृत्यूंबद्दल राष्ट्रपती द्रौपदी मुर्मू, पंतप्रधान नरेंद्र मोदी यांनी दुःख व्यक्त केले आणि शोकाकुल कुटुंबियांप्रति शोकसंवेदना व्यक्त केल्या.
महाराष्ट्रातील सोलापूर जिल्ह्यातील माळशिरस तालुक्यात रविवारी त्यांना घेऊन जाणारे एक पिक-अप वाहन रस्त्याच्या कडेला असलेल्या विहिरीत कोसळल्याने चार महिला आणि चार मुलांचा मृत्यू झाला. या घटनेत सात जण जखमी झाले.
राष्ट्रपतींनी व्यक्त केल्या भावना
‘सोलापूर जिल्ह्यात वाहन अपघातात झालेल्या मृत्यूची बातमी अत्यंत दुःखद आहे. मी शोकाकुल कुटुंबियांप्रति माझ्या मनःपूर्वक संवेदना व्यक्त करते. मी जखमींच्या शीघ्र आरोग्यासाठी प्रार्थना करते," अशी भावना मुर्मू यांनी 'एक्स इन हिंदी'वरील एका पोस्टमध्ये व्यक्त केली आहे.
पंतप्रधानांनी व्यक्त केल्या भावना
'सोलापूर येथे एका भीषण अपघातामुळे झालेल्या जीवितहानीमुळे आम्ही अत्यंत व्यथित झालो आहे. या दुःखाच्या प्रसंगी शोकाकुल कुटुंबांसोबत माझ्या संवेदना आहेत.' "जखमी लवकर बरे व्हावेत यासाठी प्रार्थना," असे मोदींनी X वरील एका पोस्टमध्ये म्हटले.
पंतप्रधानांनी केली मदतीची घोषणा
मोदींनी अशीही घोषणा केली की, पंतप्रधान राष्ट्रीय मदत निधीतून प्रत्येक मृताच्या कुटुंबीयांना 2 लाख रुपयांची सानुग्रह मदत आणि जखमींना प्रत्येकी 50000 रुपये दिले जातील.
