अमरावती. अमरावती जिल्ह्यात अनेक महिला आणि मुलींचे आक्षेपार्ह फोटो आणि व्हिडिओ ऑनलाइन शेअर केल्याच्या आरोपाखाली अटक करण्यात आलेल्या 19 वर्षीय अयान अहमदचा एक व्हिडिओ सोशल मीडियावर व्हायरल होत आहे.
व्हिडिओमध्ये तो रस्त्याच्या मधोमध आपल्या वाढदिवसाची पार्टी साजरी करताना आणि केक कापताना दिसत आहे. आरोपीच्या वाढदिवसाच्या पार्टीत अनेक केक कापण्यात आले आणि फटाकेही फोडण्यात आले. इतकेच नाही, तर व्हिडिओमध्ये पोलीस अधिकारीही दिसत आहेत. यामुळे पोलिसांच्या भूमिकेवर प्रश्नचिन्ह निर्माण झाले आहे.
हा व्हिडिओ कधीचा आहे?
हा व्हिडिओ डिसेंबर 2025 मधील असल्याचे सांगितले जात आहे. आरोपी अयान रस्त्यावर आपला वाढदिवस साजरा करत आहे. या सोहळ्यात एक सहायक पोलीस निरीक्षक आणि दोन पोलीस अधिकारी देखील उपस्थित असल्याचे सांगितले जात आहे. व्हिडिओमध्ये घटनास्थळी असलेले पोलीस आपले वाहन थांबवून आरोपी अयानला स्वतःच्या हाताने केक भरवत असल्याचे दिसत आहे.
अयान अहमद कोण आहे?
पोलिसांनी दिलेल्या माहितीनुसार, अमरावती जिल्ह्यातील परतवाडा येथील रहिवासी अयान अहमद तनवीर अहमद याला ११ एप्रिल रोजी ताब्यात घेण्यात आले. महिला आणि मुलींसोबतचे त्याचे अश्लील फोटो आणि व्हिडिओ सोशल मीडियावर व्हायरल झाल्यानंतर ही कारवाई करण्यात आली. त्याने मुलींचे 350 हून अधिक अश्लील व्हिडिओ बनवल्याचा त्याच्यावर आरोप आहे.
परतवाडा पोलिसांनी सांगितले की, आरोपीने पीडितांना आमिष दाखवून, त्यांच्या मनाविरुद्ध अश्लील फोटो आणि व्हिडिओ काढले आणि पीडितांची बदनामी करण्याच्या उद्देशाने ते सोशल मीडियावर अपलोड केले. पोलिसांनी आरोपीचा मोबाईल फोन जप्त केला असून पुराव्यासाठी त्याची तपासणी करत आहेत.
