DA Hike: कर्मचाऱ्यांच्या डीए झाला 60 टक्के; जाणून घ्या शिपाई ते IAS पदापर्यंत कोणाचा किती वाढला पगार? 

नवी दिल्ली. DA Hike News: केंद्रीय मंत्री अश्विनी वैष्णव यांनी एका पत्रकार परिषदेत माहिती दिली की, केंद्र सरकारी कर्मचाऱ्यांच्या महागाई भत्त्यात वाढ करण्यात आली आहे. ते म्हणाले की, केंद्र सरकारी कर्मचाऱ्यांचा महागाई भत्ता 60% पर्यंत वाढवण्यात आला आहे, म्हणजेच त्यात 2% वाढ झाली आहे. यापूर्वी तो 58% होता. आजच्या घोषणेपूर्वी, त्यात शेवटची वाढ ऑक्टोबर 2025 मध्ये झाली होती.

ही वाढ 1 जानेवारी 2026 पासून लागू होईल. याचा अर्थ, केंद्र सरकारी कर्मचाऱ्यांना जानेवारी ते एप्रिल या महिन्यांची थकबाकीसुद्धा मिळेल. महागाई भत्त्यातील वाढीमुळे शिपायांपासून ते आयएएस अधिकाऱ्यांपर्यंत सर्वांच्या पगारात वाढ होईल. 

60 टक्के महागाई भत्ता म्हणजे कर्मचाऱ्यांना त्यांच्या मूळ पगाराच्या 60 टक्के रक्कम महागाई भत्ता म्हणून मिळेल. जर तुमचा मूळ पगार 40 हजार रुपये असेल, तर तुम्हाला 24 हजार रुपये महागाई भत्ता म्हणून मिळतील.

Cabinet approves DA/DR hike by 2 per cent for central government employees, pensioners: I&B Minister Ashwini Vaishnaw.

— Press Trust of India (@PTI_News) April 18, 2026

केंद्रीय मंत्रिमंडळाने महागाई भत्त्यात वाढ करण्यास दिली मंजुरी

केंद्रीय मंत्रिमंडळाने शनिवारी केंद्र सरकारी कर्मचाऱ्यांच्या महागाई भत्त्यात (डीए) 2 टक्के वाढ आणि निवृत्तीवेतनधारकांच्या महागाई सवलतीस (डीआर) मंजुरी दिली. 

अखिल भारतीय ग्राहक किंमत निर्देशांक (AICPI) द्वारे मोजल्या गेलेल्या महागाईच्या आकडेवारीच्या आधारावर, महागाई भत्ता (DA) वर्षातून दोनदा जाहीर केला जातो. 

ही घोषणा अशा वेळी आली आहे, जेव्हा दरवाढीला होणाऱ्या विलंबाबद्दल सर्वत्र चिंता पसरली होती आणि सरकारी कर्मचारी भत्ते व तीन महिन्यांची थकबाकी देण्याची मागणी करत होते. 

शेवटची महागाई भत्ता वाढ 1 ऑक्टोबर 2025 रोजी मंजूर करण्यात आली होती, जेव्हा केंद्रीय मंत्रिमंडळाने 3% वाढीस मान्यता देऊन महागाई भत्ता मूळ वेतनाच्या 55% वरून 58% पर्यंत वाढवला होता. आता तो 60% पर्यंत वाढला आहे.

लगभग 50.5 लाख केंद्रीय कर्मचारियों और 68.30 लाख पेंशनर्स के लिए भारत सरकार द्वारा जनवरी 2026 से 2% #DA की बढ़ोतरी के ऐलान का ऑल इंडिया एनपीएस एम्पलाइज फेडरेशन स्वागत करती है और भारत सरकार से पुनः अपील करती है कि फिलहाल #8CPC की रिपोर्ट आने से पहले जनवरी 2026 से 50% महंगाई भत्ते… pic.twitter.com/sZsZzGBan4

— Dr Manjeet Singh Patel (@ManjeetIMOPS) April 18, 2026

शिपाई ते आयएएस पदापर्यंतचा पगार किती असेल?

ही महागाई भत्ता वाढ सातव्या वेतन आयोगाअंतर्गत लागू केली जाईल, कारण आठवा वेतन आयोग अद्याप लागू व्हायचा आहे. आता, 2% महागाई भत्ता वाढीनंतर केंद्र सरकारी कर्मचाऱ्यांच्या मासिक पगारात किती वाढ अपेक्षित आहे, ते पाहूया.