नागपूर- राज्य सरकारने हिंदी भाषी ऑटो आणि टॅक्सी चालकांना मराठी शिकण्यासाठी एकीकडे एक वर्षाची मदत दिली आहे, तर दुसरीकडे महाराष्ट्र नवनिर्माण सेना (मनसे) ने याचा विरोध केला आहे.
मनसेचे युवा नेते अमित ठाकरे यांनी इशारा दिला आहे की, जर कोणी ऑटो-रिक्षा आणि टॅक्सी चालक हिंदीत बोलताना आढळला तर त्याला झोडपून काढले जाईल. यावेळी ठाकरेंनी मुख्यमंत्री देवेंद्र फडणवीस यांच्यावरही निशाणा साधला.
अमित ठाकरे यांनी कामचलाऊ मराठी शिकण्यासाठी एक वर्षाची मुदत देण्याच्या निर्णयावरही प्रश्नचिनिह उपस्थित करत आरोप केला की, मराठी भाषेपेक्षा उत्तर प्रदेश मध्ये होणाऱ्या आगामी निवडणुकीत राजकीय लाभाला अधिक महत्व दिले जात आहे.
त्यांनी म्हटले की, त्यांना 10 वर्षाची वेळ द्या 15 वर्षाची वेळ द्या, आम्हाला समजले आहे की, तुम्हाला मराठी भाषा आणि महाराष्ट्राशी किती प्रेम व आपुलकी आहे. तुम्ही गुजरात, पंजाब किंवा दक्षिण भारतात जावा, प्रत्येक ठिकाणी लोक आपल्या भाषेशी जोडलेले असतात. आता उत्तर प्रदेशात निवडणुका होत आहेत म्हणून तुम्ही मुदत वाढवली आहे.
महाराष्ट्रात परप्रांतीय रिक्षा व टॅक्सी चालकांना दिलासा -
मुख्यमंत्री देवेंद्र फडणवीस यांनी गुरुवारी राज्यात काम करण्यासाठी दुसऱ्या राज्यांतून आलेल्या आटो रिक्शा आणि टॅक्सी चालकांच्या प्रतिनिधिंच्या मागणीवर म्हटले की, त्यांना कामचलाऊ मराठी भाषा शिकण्यासाठी एक वर्षाची मुदत दिली जाईल.
एक आठवडा आधीच मराठी टेस्ट मध्ये अपात्र ठरलेल्या चालकांना नोटीस जारी केली होती. फडणवीस यांनी मीडियाशी बोलताना म्हटले की, अशा चालकांविरुद्ध एक वर्षापर्यंत कोणतीही कारवाई केली जाणार नाही.
भाजपच्या नेतृत्वातील महायुती सरकारने यावर्षी एप्रिलमध्ये घोषणा केली होती की, कमर्शियल गाड्यांच्या चालकांना राज्यातील मुख्य भाषेचे ज्ञान असले पाहिजे. समाजवादी पार्टीचे नेते अखिलेश यादव यांनी या निर्णयावर टीका केली होती.
