नवी दिल्ली: 1 सप्टेंबरपासून व्यावसायिक एलपीजी सिलिंडर महाग झाला आहे. तेल विपणन कंपन्यांनी अनेक मोठ्या शहरांमध्ये 19 किलोच्या व्यावसायिक गॅस सिलिंडरच्या किमतीत 9.50 रुपयांची वाढ केली आहे.

किमतींमधील हा बदल महिन्याच्या सुरुवातीलाच झाला असून, त्यामुळे व्यावसायिक एलपीजीवर अवलंबून असलेल्या व्यवसायांचा खर्च वाढला आहे. ताज्या दरपत्रकानुसार, दिल्लीत 19 किलोच्या व्यावसायिक एलपीजी सिलिंडरची किंमत आता 2,738 रुपयांवरून वाढून 2,747.50 रुपये झाली आहे. चेन्नईमध्ये ही किंमत 2,906 रुपयांवरून वाढून 2,916.50 रुपये झाली आहे.

घरगुती एलपीजी सिलिंडरचे दर स्थिर-

या दरवाढीचा फटका प्रामुख्याने रेस्टॉरंट, हॉटेल्स, ढाबे, मिठाईची दुकाने आणि स्वयंपाकासाठी तसेच इतर कामांसाठी व्यावसायिक एलपीजी सिलिंडर वापरणाऱ्या व्यावसायिकांना बसणार आहे. घरगुती ग्राहकांसाठी मात्र काहीसा दिलासा आहे, कारण या मासिक बदलामध्ये 14.2 किलोग्रॅमच्या घरगुती एलपीजी सिलिंडरच्या दरात कोणतीही वाढ करण्यात आलेली नाही.

व्यावसायिक एलपीजीचे कोणत्या शहरात किती दर वाढले?

कर्मिशिअर गॅसच्या दरात मोठी वाढ कोलकाता येथे झाली असून, तिथे सप्टेंबर 2026 साठी प्रति सिलिंडर 11.50 रुपयांची वाढ होऊन नवीन दर 2,884 रुपये झाला आहे. तसेच तिरुवनंतपुरम आणि बंगळुरूसारख्या शहरांमध्ये 19 किलोच्या एलपीजी सिलिंडरची किंमत 10 रुपयांनी वाढून अनुक्रमे 2,784 रुपये आणि 2,831 रुपये झाली आहे.

याशिवाय भुवनेश्वर आणि हैदराबादसारख्या शहरांमध्ये एलपीजीचे दर 11 रुपयांनी वाढून अनुक्रमे 2,919 रुपये आणि 2,996 रुपये झाले आहेत. विशेष म्हणजे, सप्टेंबरमध्ये 11 रुपयांच्या वाढीनंतरही लखनौ आणि पाटण्यामध्ये दरांत बदल झाला असून, पाटण्यात एलपीजीचा दर 3,000 रुपयांच्या वर म्हणजे 3,029 रुपये प्रति सिलिंडर झाला आहे. यामु‍ळे पाटण्यात एलपीजी सर्वात महाग आहे.

    गुरगाव, नोएडा आणि चंदीगडसारख्या शहरांमध्ये एलपीजीचे दर 9.50 रुपयांनी वाढून अनुक्रमे 2,764.50 रुपये आणि 2,747.50 रुपये प्रति सिलिंडर झाले आहेत. जयपूरमध्ये 19 किलो एलपीजीची किंमत 10.50 रुपयांनी वाढून 2,776 रुपये प्रति सिलिंडर झाली आहे.

    जागरण विशेष

    शहरनवीन दरजुना दरफरक
    दिल्ली₹ 2,738 ₹2,738.00₹9.50
    कोलकाता₹2,884.00₹2,872.50₹11.50
    मुंबई₹2,701.00₹2,691.50₹9.50
    चेन्नई₹2,916.50₹2,906.00₹10.50