नवी दिल्ली. Gold Silver Price Crash: जागतिक बाजारातील मंदीमुळे बुधवारी राजधानी दिल्लीतील सराफा बाजारात सोन्याच्या किंमतींमध्ये सलग सहाव्या सत्रात घसरण दिसून आली. सोन्याच्या किंमती 2,100 रुपयांनी घसरून 1.56 लाख रुपये प्रति 10 ग्रॅम झाल्या.
तीन आठवड्यातील निचांकी पातळीवर सोने -
99.9 टक्के शुद्ध असलेल्या सोन्याची किंमत मंगळवारी 1,58,200 रुपये प्रति 10 ग्रॅमवर बंद झाल्यानंतर 2,100 रुपये घसरून जवळवास तीन आठवड्यातील निचांकी पातळीवर 1,56,100 रुपये प्रति 10 ग्रॅम (सर्व करांसहित) झाली. मागील सहा व्यावारी सत्रात या मौल्यवान धातूच्या किंमतीत 11,000 रुपयांची घसरण झाली आहे. 25 ऑगस्ट रोजी सोन्याच्या किंमती 1,67,100 रुपये तोळा नोंदवण्यात आली (Gold Price Today) होती.
सोन्याच्या किंमती शेवटच्या वेळी 14 ऑगस्ट रोजी पाहिल्या गेल्या होत्या. त्यावेळी याची किंमत 1,56,200 रुपये प्रति 10 ग्रॅम होती.
एचडीएफसी सिक्योरिटीजमधील वरिष्ठ विश्लेषक (जिंस) सौमिल गांधी यांनी सांगितले की, बुधवारी सोन्याच्या दरावर दबाव राहिला आणि सोने तीन आठवड्याच्या निचांकी पातळीवर पोहोचले.
चांदीही घसरली-
स्थानिक व्यावसायिकांच्या सांगण्यानुसार, चांदीच्या किंमतीही सलग दुसऱ्या दिवशी घसरल्या आहेत. चांदी 5,000 रुपयांनी कमी होऊन निचांकी पातळीवर म्हणजेच 2,35,500 रुपये प्रति किलो (सर्व करांसहित) पोहोचल्या.
मागील व्यापारी सत्रात चांदी 2,40,500 रुपये प्रति किलो दरावर बंद झाली होती. चॉइस ब्रोकिंगमधील जीन्स आणि करन्सी विश्लेषक- आमिर मकदा यांनी सांगितले की, आखाती देशातील तणाव वाढल्यामुळे कच्च्या तेलाच्या किंमती वाढल्या आहेत. त्यामुळे महागाई व व्याज दर वाढण्याची भीती व्यक्त केली जात आहे. याचा दबाव चांदीच्या दरांवर आला आहे.
आंतरराष्ट्रीय बाजारात काय आहे सोने-चांदीचा भाव-
आंतरराष्ट्रीय बाजारात सोने 25.24 डॉलर किंवा 0.58 टक्क्यांनी वाढून 4,303.12 डॉलर प्रति औंस झाले आहे. तर चांदी जवळपास एक टक्क्यांनी घसरून 63.64 डॉलर प्रति औंस झाली आहे. मिराए एसेट शेयरखानमधील जिंस प्रमुख, प्रवीण सिंह यांनी सांगितले की, अमेरिकी फेडरल रिझर्व्ह द्वारे व्याज दर वाढवण्याच्या शक्यतेने सोन्यांच्या किंमतीवर दबाव वाढला आहे.
